وصفة سهلة جدا للبيتزا

Admin عدد المساهمات : 153 تاريخ التسجيل : 05/07/2009

السلام عليكم و كيف حالكوا كل الفتوكات العسولين خالص خالص
النهارده جايبه وصفه سهله اوى للبيتزا معايا كده فى المقادير
3 كوب دقيق ــــ نصف كوب ماء ـــــ ملعقه صغيره ملح ـــــــ كيس خميره فوريه ــــــ ربع كوب زيت ـــــــ (((و صلصة طماطم و زيتون أسود أو اخضر مقطع و جبنه رومى مبشوره او موزاريلا و فلفل رومى اخضر مقطع و زعتر))) دول مكونات الحشوه نفسها نيجى للطريقه
نعجن الدقيق مع الخميره المذابه فى الميه و معاهم رشة سكر صغيره عشان الخميره تتخمر بسرعه و نضيف الزيت و الملح و نقلب لغاية لما العجين لا تلتصق فى اليد
تترك لتخمر حوالى ساعه او اكتر ( كل ما الوقت يزيد يكون افضل )
بعد كده تقسم العجينه على جزئين بالتساوى و يفرد كل جزء فى صينيه مقاس كبير
و بعدها ندهن الوجه بالصلصه الاول و فوقها الطماطم المقطعه و الفلفل الاخضر و الزيتون و الجبنه المبشوره و اى اضافات تانيه حابه تحطيها
فى الاخر نرش شوية زعتر على الوجه بيدى رائحه و طعم جميل
بيكون الفرن مسخن قبلها على درجة 180 درجه و تدخل الفرن حوالى 15 دقيقه او 20 دقيقه حتى تمام النضج
بعد ما تخرج من الفرن تقطع مباشرةً وهى سخنه ,,,, و تقدم بالهنا

» وصفة سهلة لطاجن اللحمة