القنــــــــطرة شـــــــــرق

منتدى يحتوى الكثير من المعلومات عن مدينة القنطرة شرق سيناء والتى تم تحريرها فى حرب أكتوبر 1973 فى اليوم الثامن من الشهر ومعلومات أخرى مفيده
 
الرئيسيةالرئيسية  IndexIndex  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 التطور الطبيعى للستات بعد الزواج

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
casper



عدد المساهمات : 11
تاريخ التسجيل : 27/04/2010

مُساهمةموضوع: التطور الطبيعى للستات بعد الزواج   الثلاثاء مارس 15, 2011 8:32 pm

بحبك

...بعد 6 اسابيع : انا اسعد انسانة فى الدنيا ...لانى معاك فى بيت واحد
...
بعد 6 شهور : ياعينى عليا وعلى بختى المايل

بعد 6 سنين : كان يوم اسود يوم ما اتجوزتك
________________________________________
بعد الشغل

بعد 6 اسابيع : الحمد لله انك رجعت بالسلامة انا كنت هاتجنن وانت بعيد عنى

بعد 6 شهور : ايه اللى جايبك بدرى كده وكمان جى ايد ورا وايد قدام

بعد 6 سنين : قال يا قاعدين يكفيكوا شر الجايين
_______________________________________
جرس التليفون

بعد 6 اسابيع : كلم يا حياتى- بس متتاخرش عليا

بعد 6 شهور : كلم يا سيدى – ده مبقاش بيت بقى سنترال

بعد 6 سنين : ماتقوم ترد اكيد واحد من الصيع اللى بتعرفهم
_______________________________
وقت الغدا

بعد 6 اسابيع : دوق وقولى ايه رايك – صنعة ايديا وحياه عنيه

بعد 6 شهور : الاكل على السفرة – لما تخلص ابقى شيل مطرح ما اكلت

بعد 6 سنين : ملحقتش اطبخ النهارده – عندك الجبنة والسلمون فى التلاجة انا رايحة اتغدى عند ماما
______________________
لما يشترى فستان جديد

بعد 6 اسابيع : انا عندى فساتين كتير بلاش تكلف نفسك

بعد 6 شهور : ده فستان تشتريه - ملقتش حاجة ارخص من كده علشان تجيبها –؟

بعد 6 سنين : يا ما جاب الغراب لأمه - فستان ده ولا مفرش سفره؟


_____________________________________________
لما يتفرجوا على فيلم

بعد 6 اسابيع : انا مايهمنيش الفيلم كفاية اننا مع بعض

بعد 6 شهور : انزل شوف الماتش على القهوة – انا عايزة اشوف المسلسل

بعد 6 سنين : سينما ايه اللى عايزنى اروحها – هى دى اشكال اخرج معاها

______________________________________________
لما يعزم اصحابه

بعد 6 اسابيع : طبعا ينورا – وهاعملهم كيكة انما ايه

بعد 6 شهور : هى العالم دى معندهاش بيوت تتلم فيها ؟

بعد 6 سنين : ناقصة اصحابك كمان ايوة ما انا الخدامة اللى اشترتها لك الست الوالدة


لما يروحو السوبر ماركت

بعد 6 اسابيع : بلاش السوبر ماركت ده علشان غالى

بعد 6 شهور : حسرة عليا – شايف الحاجات الجميلة – مش بتاع التموين اللى كنت بتشترى من عنده ؟

بعد 6 سنين : انت جايبنى هنا ليه – انت عايزنى اتعقد – يعنى اقرع وكمان نزهى ؟؟
__________________________________________________ __

لما ييجى عيد ميلادها

بعد 6 اسابيع : انا هدية عيد ميلادى وجودك جنبى

بعد 6 شهور : انا اشتريت خاتم سوليتر هدية عيد ميلادى – الجواهرجى هايبعت لك الفاتورة

بعد 6 سنين : لو مجبتليش الفيلا اللى فى الساحل الشمالى هدية عيد ميلادى انا هاخلعك من بكرة!؟
الرجوع الى أعلى الصفحة اذهب الى الأسفل
 
التطور الطبيعى للستات بعد الزواج
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
القنــــــــطرة شـــــــــرق :: الالعاب والترفيه :: منتدى الضحك والافشات-
انتقل الى: