القنــــــــطرة شـــــــــرق

منتدى يحتوى الكثير من المعلومات عن مدينة القنطرة شرق سيناء والتى تم تحريرها فى حرب أكتوبر 1973 فى اليوم الثامن من الشهر ومعلومات أخرى مفيده
 
الرئيسيةالرئيسية  IndexIndex  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 ضل راجل ولا ضل حيطه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Butterfly
Admin
Admin
avatar

عدد المساهمات : 153
تاريخ التسجيل : 05/07/2009

مُساهمةموضوع: ضل راجل ولا ضل حيطه   الإثنين مارس 14, 2011 7:33 pm

وقفت الست بهية على كوم عالى فى الجرن



وبدأت تخطب وسط الحريم المرصوصين على المصاطب :

...

قال بيقولوا ضل راجل ولا ضل حيطة ... ياختى بلا وكسة !



بذمتك عمرك سمعتى عن حيطة تقعد تشخر طول الليل وماتخلكيش تعرفى تنامى ؟



والا حيطة تدخل من باب البيت تجعر عايزة الغدا

وبعدين تطين عيشتك علشان الملح طلع زيادة فى البامية !



والا ممكن ترجعى البيت فى يوم تلاقى حيطة بتبوس الخدامة ؟



طيب شفتى حيطة تملا لك سقف البيت دخان ، وأرضيته سبارس !



والا حيطة تقعد تتنك عليكى وتقولك انتى رايحة فين وجاية منين !



والا حيطة تدوخك وراها علشان تشوفى هيه بتكلم مين فى التليفون بعد نص الليل !



طيب دى الحيطة معروف مكانها دايماً ، إنما المحروس يدوخك وراه علشان تعرفى

هو سهران فى أنهى داهية ... قال إيه ، عنده شغل ! ياسم !



بذمتك فيه حيطة تحاول تطلعك غلطانة فى كل كلمة تقوليها

علشان تثبت للعيال إن الحيطة بتفهم أحسن منك .



والا حيطة تقعد تقولك ماتخرجيش بالفستان ده أحسن محزق عليكى

ولما تقولى لها هاتى فلوس علشان تشترى فستان غيره

تعمل ودن من طين وودن من عجين ، طيب دى حتى الحيطان لها ودان .



ياشيخة بلا قرف ... بلا نيلة ... الحيطة أجدع ، على الأقل مش حتتحبسى

لو فاض بيكى ونفذتى حلم كل الستات ... ودقيتى فى الحيطة مسمار

ده كله مجرد هزااااااااااار
الرجوع الى أعلى الصفحة اذهب الى الأسفل
 
ضل راجل ولا ضل حيطه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
القنــــــــطرة شـــــــــرق :: الالعاب والترفيه :: منتدى الضحك والافشات-
انتقل الى: