القنــــــــطرة شـــــــــرق

منتدى يحتوى الكثير من المعلومات عن مدينة القنطرة شرق سيناء والتى تم تحريرها فى حرب أكتوبر 1973 فى اليوم الثامن من الشهر ومعلومات أخرى مفيده
 
الرئيسيةالرئيسية  IndexIndex  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 اظرف طريقة لتعليم الاطفال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Butterfly
Admin
Admin
avatar

عدد المساهمات : 153
تاريخ التسجيل : 05/07/2009

مُساهمةموضوع: اظرف طريقة لتعليم الاطفال   الجمعة أبريل 30, 2010 8:07 pm

السلام عليكم ورحمة الله وبركاته


اللي عندها مشكلة في التعليم لاطفالها في مرحلة الحضانة او المرحلة الابتدائية بفضل الله ممكن حلها في الحساب اوالعربي او حفظ كلمات الانجليزي
مثلا
في العربي طريقة تعليم اللام الشمسية واللام القمرية اولا
عرفي ابنك ان الحروف الابجدية كلها 28 حرف منهم 14 حرف بيحبوا الشمس و14 حرف بيحبوا القمر وخليه يحفظ اللي بيحبوا الشمس
وهم
<ت ث د ذ ر ز س ش ص ض ط ظ ل ن >
وبعد كدة قوليله
ان الحروف دي لما تجي بعد الالف واللام بيكون اللام دي شمسية والباقي بتكون قمريه
وان اللام الشمسية بتكون الشمس شديدة عليها علشان كدة اللام بتستخبي ومابتتنطقش يعني اللام الشمسية تكتب ولا تنطق بينما اللام القمرية القمر بيشع بنوره عليها ودايما منوره وظاهرة يعني بتكتب وتنطق وكمان الحرف اللي بيجي بعد اللام الشمسية دائما من شدة الشمس عليه بيكون عليه شدة بينما اللام القمرية اللام نفسها بيكون عليها سكون
والسكون شبه القمر يعني القمر بيشع بنوره علي اللام القمرية ويحط عليها الدايرة الصغيرة اللي هي السكون


اما بالنسبة للحساب
مثلا
الاحاد والعشرات والمئات
عرفي ابنك ان الخانة الاولي اللي هي الاحاد هي خانة البيبي الصغير
والبيبي ده
دايما معاه فلوس قليلة من جنيه الي تسعة فقط
وممكن يكون مفلس وممعاهوش فلوس يعني خانتة فيهاصفر
وخانة العشرات هي خانة الام دايما بتحط في جيبها العشرات يعني من عشرة جنيه لغاية تسعين جنيه
وان خانةالمئات هي خانة الجدة ومابتشلش لو معاها فلوس اقل من مائة جنيه الي تسعمائة جنيه
وان الخانة الرابعة نعمل لها الف حساب وهي خانة الالاف وهي خانة الجد
وبعد كده نقرا بقي العدد لو العدد مكون من رقمين البيبي وامه الاحاد والعشرات الام دايما بتفضل ابنها عنها وبتحب تخليه في المقدمة يعني نقرا الاحاد ثم العشرات
ولو العدد مكون
من ثلاث ارقام
تاتي الجدة اللي هي المئات
واحتراما لها نبدا بيها يعني ننطق الجدة ثم البيبي ثم الام
ولو العدد مكون من اربعة ارقام يعني الجد حضر طبعا الرجال قوامون عن النساء واحتراما له
نبدا به يعني الجد ثم الجدة ثم البيبي ثم الام يعني الالاف ثم المئات ثم الاحاد ثم العشرات اللي هي الام كعادتها هي دائما الضحية

ناتي بقي للانجليزي
اي كلمة تحاولي تحفظيها لابنك
حاولي انك تحكي عنها قصة يعني مثلا
كلمة father ,mother
يعني ام و اب
ناتي لكلمة father اللي هي كلمة اب
تتكلمي عن حرف حرف وتعتبريهم افراد القصة يعني مثلا الحرف الاول حرف الf
هو بابا ماسك في ايده شنطة اللي هي الa
وواقف جنبه اخواتي الصغيرين اللي هم ال
t,h,e,r
بعد كده اساليه عن افراد القصة هتلاقيه بفضل الله قالهم بسرعة
نجي بقي عند كلمة mother الام
نقول من تاني ان ماما اللي هي الm
كانت لابسه العقد اللي هو o
وكان واقف جنبها اخواتي اللي هم ال
t,h,e,r وبعدين تخلي ابنك يقول حكاية الاب والام هتلاقيه ماشاء الله يعني الخلاصه انه يجب ان نتحلي بالصبر في تعليم الصغار واجمل وسيلة هي الخيال لان الطفل في هذه المرحلة بيعشق الخيال يعني دي احسن وسيلة وجربتها طوال 20 سنه اللي فبفضل الله كبرت اولادي الخمسة اللي اكبرهم في كلية الطب والتانية في الهندسه والثالث في الثانوية العامة والرابع في خمسة ابتدائي والخامسة في تانيةابتدائي والفضل يرجع لله سبحانه وتعالي والاهم انك دائما تكوني مع الله في كل شيءوتستعيني به في كل شيء وتحاولي انك تساعدي وتخدمي الانسان فانا والحمد لله اقوم بالتبرع لامحوا امية اهل الحي الذي اسكن فيه في المدرسه اللي اولادي بيدرسوا فيها بعد ان تركت التدريس وتفرغت تماما للاولاد
الرجوع الى أعلى الصفحة اذهب الى الأسفل
 
اظرف طريقة لتعليم الاطفال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
القنــــــــطرة شـــــــــرق :: منتدى الأطفال :: كل ما يخص طفلك-
انتقل الى: